O homenaxeado, Iván Raña, participa na presentación do II Mar de Muros Tríatlon - Trofeo Iván Raña

Onte, 10 de abril, tiña lugar a presentación do II Mar de Muros Tríatlon - Trofeo Iván Raña que se celebrará o próximo 8 de xuño na vila de Muros. No acto de presentación  no salón de plenos municipal contou coa presenza do propio Iván Raña, María Xosé Alfonso (alcaldesa do Concello de Muros), Tono Uhía (Concello de Muros), Ezequiel Mosquera (EME Sports), Luís Vázquez (CC Muros), Isma Prigue (Club Os Salta Rejos) e Lucho Ferreirós (CR Muros).

​Iván Raña destacou a importacia das probas populares e o agradecemento ao homenaxe e nome da proba, xunto que isto tamén fixo mención a que a planificación do seu calendario o leva a poder participar en poucas probas posto que o seu principal obxectivo é chegar ao mundial Ironman de Hawai no mellor estado de forma posible.
Por outro parte, a alcaldesa do Concello de Muros, agradeceu a súa presenza na proba así como a participación dos diferentes clubs do municipais tanto na proba como na organización dos diferentes eventos deportivos que se desenvolven durante o ano no noso municipio.